091-9210334 / 9210937
 prisonsig@gmail.com
Side Menu  

The Chief Justice of Pakistan visited CP Bannu on 16.05.2025.

Sports

 چیف جسٹس آف پاکستان جناب یحیاء آفریدی اور چیف جسٹس پشاور ہائی کورٹ جناب سید محمد عتیق شاہ کے ہمراہ اور انسپکٹر جنرل جیل خانہ جات جناب عثمان محسود صاحب کا سنٹرل جیل بنوں کا دورہ

 

مورخہ 16 مئی 2025ء بروز جمعہ، چیف جسٹس آف پاکستان جناب یحیاء آفریدی اور چیف جسٹس پشاور ہائی کورٹ جناب سید محمد عتیق شاہ کے ہمراہ اورانسپکٹر جنرل جیل خانہ جات جناب عثمان محسود صاحب نے سنٹرل جیل بنوں کا تفصیلی دورہ کیا۔ اس دوران انہوں نےجیل کے ھسپتال، فیمل سکشن ،کک ہاؤس، پھانسی گھاٹ اور ڈرگ ری ہیبیلیٹیشن سنٹر کا دورہ کیا۔ احاطہ پھانسی گھاٹ میں ، چیف جسٹس آف پاکستان کو ان کے کہنے پر قیدی بھادر علی کے ساتھ ملوایا گیا جس کا کیس حال ہی میں سپریم کورٹ آف پاکستان سے فیصلہ ھوا تھا۔جیل دورے کے موقع پر چیف جسٹس آف پاکستان نے آئی جی جیل خانہ جات کے ویژن کی تعریف کی اور سپرنٹنڈنٹ سنٹرل جیل بنوں کی محنت اور کوششوں کو سراہا۔
سپرنٹنڈنٹ سنٹرل جیل بنوں جناب سید محمد جنید صاحب نے معزز انسپکٹر جنرل جیل خانہ جات، جناب عثمان محسود کی ہدایات کی روشنی میں ڈرگ ری ہیبیلیٹیشن سنٹر (DRC) قائم کیا۔
اسکا باقاعدہ افتتاح چیف جسٹس پشاور ہائی کورٹ جناب سید محمد عتیق شاہ اور انسپکٹر جنرل جیل خانہ جات جناب عثمان محسود صاحب کی موجودگی میں چیف جسٹس آف پاکستان جناب یحیاء آفریدی نے کیا۔
زیرِ نظر بحالی مرکز میں مندرجہ ذیل سہولیات فراہم کی جا رہی ہیں:
1. آؤٹ ڈور کھیلوں کی سہولت
(مثلاً والی بال، بیڈمینٹن)
2۔حفظانِ صحت کا مکمل سامان، جن میں معیاری مصنوعات شامل ہیں جیسے ہیڈ اینڈ شولڈرز شیمپو، سیف گارڈ صابن اور حفظانِ صحت کے ریزر
3۔انڈور تفریحی کھیل (مثلاً لوڈو، کریم بورڈ وغیرہ)
4. بنیادی طبی امداد کی فراہمی
5۔سپیشل ادویات۔
6۔پینٹنگ کا سامان اور کلاس۔
7۔ھنر سکھانے کے لئے سلائ مشینوں کی موجودگی ۔
8۔ سائکولوجسٹ کی موجودگی اور سپیشل سیشنز۔
ابتدائی مرحلے میں منشیات کے 18 شدید متاثرہ افراد پر مشتمل ایک بیچ کو چار ہفتوں پر محیط بحالی پروگرام میں شامل کیا جا رہا ہے۔
دورے کے اختتام پر چیف جسٹس آف پاکستان جناب یحییٰ آفریدی نے جیل وزیڑر بک میں اپنے مثبت تاثرات قلمبند کئے۔